Hmoob tsuas tshuav Hmoob lub "Xeem", uas yog qhov loj tuav tau Hmoob ua kwv ua tij ua neej ua tsav lawm xwb.  Lwm haiv neeg lawv muaj teb chaws, lawv txawm tsis yog ib lub xeem, tsis koom ib tug pog tug yawg, los lawv muaj lawv daim "Av"  tuav lawv lub siab lub ntsws ua ib haiv neeg ua ke.  Txawm lawv mus nyob rau lwm teb chaws lawm los, yog hais tias lawv lub teb chaws muaj kev kub ntxhov, lwm haiv neeg tuaj caij tsuj.  Lawv yeej yuav nqis dag nqis zog, nqis nyiaj nqis txiaj, nqis roj nqis ntshav  tuaj mus pab.  Tab txawm lawv tsis yog kwv yog tij, tsis yog neej yog tsav, tsis sib txheeb sib ze, los lawv muaj lawv Daim Av rub lawv los ua ib ke, ua ib haiv neeg, thooj siab koom ntsws ua ke.

Nyob li ntawm Hmoob nej xav tias tshuav qhov twg? dab tsi?  thiaj tseem soo tau Hmoob ua ib ke, sib hlub sib pab li ib haiv neeg.  Kuv tus sau tsis xam pom lwm yam uas loj dua ntais li ntawm Hmoob lub "Xeem", Kab lig kev cai, Lus thiab zaj dab neeg Haiv.

Hmoob ua lub neej tsuas ntsaw li ib tug txiv tsev ntshaw xwb los, Hmoob yuav ua lub neej ntshaw li ib Haiv neeg ntshaw?

Tej zam koj yuav nkag siab nyuaj txog kab lus nug no.  Peb ib feem tsawg tsawg xam pom lawm hais tias peb Hmoob yog ib Haiv neeg muaj puav pheej ua Haiv ib yam li luag lwm Haiv Neeg xws li:

1.  Peb muaj peb ib zaj dab neeg haiv. (History)

2. Peb muaj peb ib txoj kev ntseeg. (Religion)

3. Peb muaj peb ib hom lus hais. (Language)

4. Peb muaj peb ib txoj kab lig kev cai. (Culture)

5. Peb muaj peb ib txoj kev coj noj coj ua. (Social System)

Muaj qee leej ntseem txaj muag muab lo lus hais tias "Haiv" no los lo rau lo lus tias "Hmoob".  Koj xav li cas rau qhov no? 

zoo siab kws kuv tau tuaj cuas rau hauv no .
vam thiab cia siab hais peb cov hmoob yuav
koom tau ua ke kom luas lwm haiv neeg yuav
saib taus peb haiv hmoob . kuv nyob rau hauv
teb chaws nyab laj yav qab teb muaj lus zoo siab peb hmoob .
yog leej twg xav sau emai tuaj
kuv lub emai yog;songlyvan@yahoo.com
ua tsaus sib ntsib dua nyob zoo txhua tus .

nyob zoo ib tsoom phooj ywg mej txhua leej txhua tug xaav saib, noob neej moob los yog moob tshuav dlaab tsi yog qhov tseem ceeb peb lug ua noob neej moob. dlaab tsi?
ua rua moob ncu tas yog moob, dlaab tsi ua rua moob paub moob?

kuv xaav mas noob neej moob qhov tseem ceeb moob paub moob yog moob tej tsoog
tsho moob tug cim noob ntaub noob ntawv
nyob rua huv moob tej tsoog tsho. txawm moob yuav nyob thoob lub qaab ntuj nuav los txhua paab txhua pawg moob tsi has moob dlaab tsi puav leej siv tuab tug cim
noob ntaub noob ntawv. txawm leej twg moog ncig teb ncig chaw moog pum moob
tug cim noob ntaub noob ntawv moob tej tsoog tsho tes yug twb paub tas cov ntawd yog moob.

vim le caag moob tsi siv moob tug cim noob ntaub noob ntawv yog tug tseem nyob ntawm moob 2 lub zeem ntsab muag txhua nub txhua mo txhua lub sib hawm txhua lub caij nyoog. caag moob ho tsi siv? moob ho moog muab nam maab nam suav tej yaag kev yaag ncua coj lug siv coj lug cais peb moob lub noob neej. koj paab kuv pawg
nyag muaj nyag ntaub ntawv koj sau kuv tsi paub kuv sau koj tsi nkaag sab. yog vim tsi kawm yug tug tseem pheej moog kawm tug cuav moob lub neej txhaj le xyuam khuav moog ntseeg nam maab nam suav.

Ib txwm yeej muaj lus piv txwv ua ntu zus los lawm, los sis yeej pom ua keeb kwm zias los lawm tia: 

"Thaum muaj kev sib haum xeeb, los sis tsis muaj kev sib tawm tsam los tau ib lub tsam thawj lawm.  Ces yuav rov tig mus muaj kev, tsis sib haum xeeb, yuav muaj kev sib tawm tsam dua" . 

Li no thiaj muaj ua keev kwm zias los mus txog rau niaj hnub niam no.  Thaum muaj kev sib tawm tsam lawm, ces yuav rov muaj kev sib haum xeeb.  Nws yog ib yam uas peb txwv tsis tau, cheem tsis yuav, cia ua raws li lub zim txwv yuav zoo dua.

Ua tsaug.

Peb Hmoob lub xeem, cia ua kev kwv kev tij, kev neej kev tsav, tis nruab tis ze, qua tub qua ntxhais, ib siab ob qig.  Cia ua lub chaw ncu Hmoob txoj kev sib ntoj sib thuv, khaws Hmoob kab lig kev cai.  Qhia Hmoob kom paub hwm niam hwm txiv, hwm kwv hwm tij,  hwm neej hwm tsav.  Qhia kom me tub me nyuam paub hwm tus hlob dhau tus yau, paub yoog raws txoj cai.

Hmoob lub Xeem, yuav tsis muab coj los ua ib txoj kab los yog txoj ke Tseev Tsim kho Hmoob lub neej.  Vim kev txhim kho Hmoob kom muaj ib txoj cai Laj Txheej pov puag Hmoob tsis yog Hmoob lub xeem ua ntej.  Peb xam pom meej meej lawm tias hais txog fab kev tswj fwm yog los ntawm peb Hmoob txhua tus uas yuav tsum muaj Vaj Huam Sib Luag, tsis feeb koj pab kuv pawg, koj kwv kuv tij, koj neej kuv tsav, koj nruab kuv ze.  Txhua tus lub npe hu ua Hmoob yog tib pab tib pawg.  Nrhiav txoj kev vam meej rau Hmoob yam tsis cais koj, kuv , lwm leej lwm tus.  Leej twg tshaj lij tus ntawv ua tus coj Hmoob ib kauj ruam lawm yav tom ntej.

 

Txawm yuav tau zoo los xij, txom nyem los tau.
tsis tau zoo, tsis txom nyem los yeej haj yam zoo,
thaum pom tseeb txog txoj kev nyuaj siab ntxhov plawv uas muaj tswm sim.
txhua tus tib neeg yeej paub muab coj los xav, thiab xam pom txoj kev tsis ncaj,
uas muaj tshwm sim, tawm los, thiab ploj mus ntawm txoj kev nyuaj siab ntxhov plawv ntawv,
zaum tag zaum tuaj tas mus li.

Thaum pom tias muaj txoj kev tsis ncaj, ces yuav dhuav, thaum muaj txoj kev dhuav lawm,
ces yuav muab tso tseg, tsis raus tes tsis kov, tso nrog dej tshoob mus.
txhua yam no yog vim tsis xav ruaj siab, cog khov rau txoj kev nyuaj siab ntxhov plawv ntawv.
uas yeej paub tias thaum kawg yuav txawj nphob thiab ploj mus.

(lus hauj sam)